ՀՀ շրջակա միջավայրի նախարարությունից հայտնում են, որ նախարարությունը քաղաքացիների կողմից ահազանգ է ստացել, որ Սևանա լճին հարակից հանգստյան գոտիներից մեկի տարածքում աղբահանությունը պատշաճ չի իրականացվում և տարածքում առկա է աղբի մեծ կուտակում։
«Տեղեկացնում ենք, որ «Սևան» ազգային պարկի ներկայացուցիչների համակարգման ներքո տնտեսվարողը մաքրել է տարածքն աղբից»,- ասված է նախարարության հաղորդագրության մեջ։
Շրջակա միջավայրի նախարարությունը ևս մեկ անգամ կոչ է անում ու հորդորում՝ ավելի հոգատար և սրտացավ լինել շրջակա միջավայրի հանդեպ՝ մասնավորապես կարևորելով դրա մաքրության և անխաթարության պահպանումը։
Սևանա լճի պահպանությունը յուրաքանչյուրիս պարտականությունն է։
