Հայտնի գիտնական Աբել Աղանբեգյանը ՀՀ քաղաքացու անձնագիր է ստացել

Նոյեմբերի 3-ին ՌԴ-ում ՀՀ արտակարգ և լիազոր դեսպան Վաղարշակ Հարությունյանը հայտնի գիտնական, տնտեսագետ, ՌԴ ԳԱ ակադեմիկոս Աբել Աղանբեգյանին հանդիսավոր կերպով հանձնել է ՀՀ քաղաքացու անձնագիրը։

Վ.Հարությունյանը, շնորհավորելով անվանի գիտնականին, ընդգծել է, որ Հայաստանը հպարտանում է իր ժողովրդի ականավոր զավակներով և բարձր է գնահատում նրանց վաստակը կյանքի տարբեր ոլորտներում։