Կան արժեքավոր կարողություններ Իրանի և Հայաստանի միջև հարաբերությունների և տնտեսական փոխգործակցության զարգացման և ընդլայնման համար, և իրանական արտադրանքի, հատկապես Արաքս գոտու արտադրանքի արտահանումն Հայաստանի հետ պետք է մեծացվի՝ համահունչ տնտեսական մեծ ծրագրին և կառավարության քաղաքականությանը. parstoday. com-ի փոխանցմամբ՝ ասել է Արաքս ազատ գոտու կազմակերպության գործադիր տնօրեն Մաջիդ Քիանին Հայաստանի Կապանում Իրանի գլխավոր հյուպատոս Մորթեզա Աբեդին Վարամինի հետ հանդիպման ժամանակ։
Մաջիդ Քիանին երկկողմ տնտեսական փոխգործակցության համար մեծ առավելություն է համարել Իրանի և Հայաստանի միջև Արաքսի տարածքով միակ ցամաքային կապի հարևանությունը և գոյությունը: «Երկու երկրների ընդհանուր շահերը պետք է ավելի սերտորեն կապված լինեն միմյանց հետ»։
Քիանին նշել է.«Այս տարածաշրջանում իրավական արտոնությունների և տնտեսական առավելությունների առավելագույն օգտագործումը հարևան երկրների հետ տնտեսական հարաբերությունների զարգացման մեր ծրագիրն է: Մենք մշակում ենք հարևանների հետ հաղորդակցման հարթակներ կառավարման խնդիրների իրականացման ճանապարհին»։
Արաքս ազատ գոտու կազմակերպության գործադիր տնօրենն անհրաժեշտ է համարել Կովկասի և Եվրասիայի տարածաշրջանի երկրների հետ առևտրային փոխանակումների ավելացումը և ասել. «Մեզ անհրաժեշտ է Կապանի հյուպատոսության աջակցությունը և կապի ամուր կամուրջը»:
