Հռոմում ընթացող ազատ ոճի ըմբշամարտի Մ17 աշխարհի առաջնությունում Ռազմիկ Եփրեմյանը վստահ հաղթանակ է տարել և դարձել բրոնզե մեդալակիր, տեղեկացնում են Ըմբշամարտի ֆեդերացիայից։ Նա 9-2 հաշվով վստահ հաղթանակ է տարել Ղազախստանի ներկայացուցիչ Ալիշեր Ժոլդասբայի նկատմամբ:
45 կգ քաշային Արման Հարությունյանը ևս բրոնզե մեդալ է նվաճել։ Նա որոշիչ գոտեմարտում 2-0 հաշվով հաղթանակ էր տարել իրանցի Սալլեհ Նավազիի նկատմամբ:
Ազատ ոճայիններից աշխարհի պատանեկան առաջնությունում պայքարը շարունակում է նաև 92 կգ քաշային Վարուժան Հովհաննիսյանը։ Բրոնզե մեդալի համար պայքարում նրա մրցակիցը կլինի իրանցի Ալի Ալիզադեհ Մալաֆեհը։
