«Ինտերում» իր առաջին մարզումն է անցկացրել 33-ամյա հայ կիսապաշտպան Հենրիխ Մխիթարյանը:
Մարզաբազայի մոտ միլանյան ակումբի երկրպագուները սպասել են ժամանող ֆուտբոլիստներին։ Երկրպագուները ինքնագրեր են վերցրել Մխիթարյանից և լուսանկարվել հայ ֆուտբոլիստի հետ։
Մխիթարյանն «Ինտեր» է տեղափոխվել ազատ գործակալի կարգավիճակով: Նա փոխչեմպիոնի հետ կնքել է 2 տարվա պայմանագիր:
«Ինտերն» առաջին ընկերական հանդիպումը կանցկացնի հուլիսի 12-ին՝ մրցելով «Լուգանոյի» հետ:
