Մոսկվայի բորսան հունիսի 27-ին արտարժույթի շուկայում կսկսի հայկական դրամի, ուզբեկական սումի և հարավաֆրիկյան ռենդով առևտուր իրականացնել, հայտնում է «Ռիա Նովոստի»-ն։
«Նոր արժույթները կընդլայնեն շուկայի պրոֆեսիոնալ մասնակիցների, նրանց հաճախորդների ՝ ֆիզիկական և իրավաբանական անձանց, այդ թվում՝ արտաքին տնտեսական գործունեության սուբյեկտների առևտրային հնարավորությունները»,- ասված է հաղորդագրությունում։
Սակարկությունների մասնակիցներին և նրանց հաճախորդներին հասանելի կլինեն հարավաֆրիկյան ռանդ — ռուսական ռուբլի (ZAR/RUB), ԱՄՆ դոլար-հարավաֆրիկյան ռանդ (USD/ZAR), հայկական դրամ-ռուսական ռուբլի (AMD/RUB), ԱՄՆ դոլար-հայկական դրամ (USD/AMD) և ուզբեկական սում-ռուսական ռուբլի (UZS/RUB) արժութային զույգերը:
Ավելի ուշ բորսան կհայտարարի ԱՄԷ դիրհամ – ռուսական ռուբլի (AED/RUB) և ԱՄՆ դոլար – ԱՄԷ դիրհամ (USD/AED) արժութային զույգերով առուվաճառքի մեկնարկը:
