Սպորտային գիտնականները մարմնի շարժումն են «որսում»․ նոր տեխնոլոգիաներ՝ ճիշտ մարզվելու համար

Ֆիզիկական կուլտուրայի հայկական պետական ինստիտուտի լաբորատորիայում  սպորտի խնդիրները գիտությամբ ու տեխնոլոգիաներով են լուծում։ Սարքավորումը ֆիքսում է մարդու բոլոր շարժումները, ստեղծում եռաչափ պատկեր և հուշում՝ ինչո՞ւ է որոշակի ֆիզիկական տվյալներով ու կարգավիճակով մարզիկը նույն վարժությունն ավելի լավ կատարում, քան նույն տվյալներն ունեցող մեկ ուրիշը։

Սպորտային գիտախումբը վերջերս ANSEF-ից (Հայ օգնության ֆոնդի Գիտության և կրթության հայկական ազգային հիմնադրամ) դրամաշնորհ է ստացել՝  սարքի նոր կիրառություն բացահայտելու համար։