Ադրբեջանը սև ցուցակում է ներառել Ֆրանսիայի նախագահի թեկնածու Վալերի Պեկրեսին Արցախ կատարած այցի պատճառով։
Ադրբեջանական լրատվամիջոցների փոխանցմամբ՝ Ֆրանսիայի գործերի ժամանակավոր հավատարմատարը հինգշաբթի կանչվել է Արտաքին գործերի նախարարություն։
Նրան բողոքի նոտա են հանձնել և ասել, որ «նման ուղևորությունները վնասում են ադրբեջանա-ֆրանսիական երկկողմ հարաբերություններին»։
Նախարարությունը նշել է, որ Պեկրեսը և նրան ուղեկցող Ֆրանսիայի քաղաքացիներն այժմ ներառվել են «սև ցուցակում», ինչը նշանակում է, որ նրանք չեն կարողանա այցելել Ադրբեջան։
Հայաստան կատարած այցի ընթացքում Վալերի Պեկրեսեն հանդիպումներ է ունեցել նախագահ Արմեն Սարգսյանի, Արարատ Միրզոյանի, խորհրդարանի նախագահ Ալեն Սիմոնյանի, Ամենայն Հայոց Կաթողիկոս Գարեգին Բ-ի հետ։
Նա եղել է նաև Հայոց ցեղասպանության հուշահամալիրում և Եռաբլուր զինվորական պանթեոնում։
Վալերի Պեկրեսեն այնուհետ մեկնել է Արցախ, որտեղ հանդիպել է իշխանությունների հետ։
En Arménie pays frère de la France, ac @MichelBarnier & @BrunoRetailleau, je viens plaider pour le retour de la paix au Haut-Karabagh & le renforcement du soutien français en matière économique, culturelle & de protection du patrimoine religieux @Arm_President pic.twitter.com/c9452Ujfsw
— Valérie Pécresse (@vpecresse) December 23, 2021
