Ինչպես վերականգնել Քովիդից աղավաղված համի և հոտի զգացողությունը

Քովիդի հակամարմինը  վարակը տարած մարդու օրգանիզմում ապրում է շուրջ 1 տարի․ պարզել են  Մխիթար Հերացու անվան պետական բժշկական համալսարանի գիտնականները։ Նրանք արդեն 1.5  տարի  կորոնավիրուսին վերաբերող տարբեր  հետազոտություններ  են իրականացնում։

Ուսումնասիրել են նաև Քովիդից հետո հոտառության ու համի խանգարումների  պատկերը։ Վարակը տարած մարդկանց 1/3-ը համի ու հոտի խանգարում է ունեցել՝ ամբողջությամբ  կամ մասնակիորեն։

ԵՊԲՀ ֆիզիոլոգիայի ամբիոնի ավագ դասախոս Կարինե Մելքումյանը «Ռադիոլուր»-ի հետ զրույցում հետազոտությունից  ուշագրավ տվյալներ է ներկայացրել, խորհուրդ է տվել «մարզումներով» վերականգնել Քովիդից հետո աղավաղված համի ու հոտի զգացողությունը։