Մեկնարկել են սեզոնային գրիպի դեմ ամենամյա պատվաստումները։ Առողջապահության նախարարույունից վստահեցնում են, որ պատվաստումը հիվանդության կանխարգելման լավագույն և արդյունավետ միջոցն է:
Նախարարությունից հայտնում են, որ սեզոնային գրիպի դեմ պատվաստվել են նաև նախարարության աշխատակիցները:
Սեզոնային գրիպի դեմ պատվաստումները կարող են կատարվել այլ պատվաստումների, այդ թվում` կորոնավիրուսային հիվանդության դեմ պատվաստումների հետ միաժամանակ կամ ցանկացած ընդմիջումով:
Հանրապետության բոլոր պոլիկլինիկաներն ապահովված են սեզոնային գրիպի դեմ քառավալենտ պատվաստանյութով:
