Ավստրալիայում այսօր առավոտյան տեղի ունեցած երկրաշարժի հետևանքով առնվազն 46 շենք տարբեր աստիճանի վնասներ է կրել, հայտնում է ABC տեղական հեռուստաալիքը:
Երկրաշարժի զոհերի մասին տեղեկություններ դեռ չեն հաղորդվում: Իրավիճակը գնահատելու համար ուղղաթիռներ են ուղարկվել որոշ շրջաններ, ստեղծվում են կենտրոններ՝ բնակիչներին օգնելու համար:
Փորձագետները, ըստ հեռուստաալիքի, զգուշացնում են բնակիչներին, որ տեղի ունեցած երկրաշարժի հետցնցումները կարող են շարունակվել մի քանի ամիս:
Հաղորդվում է, որ երկրաշարժը ամենաուժեղներից մեկն է եղել Ավստրալիայում վերջին տասնամյակների ընթացքում:
5,9 մագնիտուդ ուժգնությամբ երկրաշարժը տեղի է ունեցել Ավստրալիայի հարավ-արևելքում, հայտնում է Միացյալ Նահանգների երկրաբանական ծառայությունը (USGS): Ավելի ուշ գրանցվել են 4.1 և 3.1 մագնիտուդով հետցնցումներ:
