Սեպտեմբերի 16 -ին Դուշանբեում, Տաջիկստանի Հանրապետության նախագահ Էմոմալի Ռահմոնի նախագահությամբ կանցկացվի Հավաքական անվտանգության պայմանագրի կազմակերպության Հավաքական անվտանգության խորհրդի նիստը: Այս մասին հաղորդագրություն կա կազմակերպության պաշտոնական կայքէջում ։
Միջոցառմանը կմասնակցեն ՀՀ վարչապետ Նիկոլ Փաշինյանը, Բելառուսի Հանրապետության նախագահ Ալեքսանդր Լուկաշենկոն, Ղազախստանի Հանրապետության նախագահ Կասիմ-Ժոմարտ Տոկաևը, Ղրղզստանի Հանրապետության նախագահ Սադիր Ջափարովը, Ռուսաստանի Դաշնության Նախագահ Վլադիմիր Պուտինը և Տաջիկստանի Հանրապետության նախագահ Էմոմալի Ռահմոնը: Հանդիպմանը կմասնակցի նաև ՀԱՊԿ գլխավոր քարտուղար Ստանիսլավ Զասը:
Հավաքական անվտանգության խորհրդի անդամները կքննարկեն միջազգային տարածաշրջանային անվտանգության արդի հիմնախնդիրները և Հավաքական անվտանգության պայմանագրի կազմակերպության գործունեության արդյունքները նստաշրջանների միջև ընկած շրջանում: Կարեւոր խնդիրներից մեկը կլինի Աֆղանստանում ստեղծված իրավիճակը եւ դրա ազդեցությունը ՀԱՊԿ անդամ երկրների անվտանգության վրա:
ԵԽԽՎ նիստի ընթացքում ակնկալվում է, որ կընդունվի Հավաքական անվտանգության խորհրդի հռչակագիրը, ինչպես նաև խաղաղապահությանը վերաբերող մի շարք փաստաթղթեր, որոնք կապահովեն ՀԱՊԿ զորքերի (Հավաքական ուժերի) գործունեությունը։ Կքննարկվի ՀԱՊԿ 2022 թվականի բյուջեն:
Սեպտեմբերից ՀԱՊԿ-ում նախագահությունն անցնում է Հայաստանին։
