ՀԱՊԿ երկրները պետք է պատրաստ լինեն Աֆղանստանում ցանկացած սցենարի: ՏԱՍՍ-ի հաղորդմամբ՝ այս մասին այսօր հայտարարել է ՀԱՊԿ միացյալ շտաբի պետ, գեներալ-գնդապետ Անատոլի Սիդորովը Ղրղզստանի Իսսիկ-Կուլ շրջանում «Ռուբեժ-2021» ՀԱՊԿ արագ տեղակայման ուժերի վարժանքների ավարտից հետո:
«ՀԱՊԿ-ը պետք է պատրաստ լինի իրավիճակի ցանկացած զարգացման»,-ասել է Սիդորովը, որը վերջերս այցելել է տաջիկ-աֆղանական սահման: «Սա հաշվի առնելով է, որ իրականացվել են ընթացիկ վարժանքները»,- ասել է նա:
Նրա խոսքով, Ղրղզստանում անցկացվող «Ռուբեժ -2021» զորավարժությունները կլինեն կազմակերպության շրջանակներում մի շարք միջոցառումների սկիզբ: «Այս զորավարժությունները սկիզբ կդնեն ՀԱՊԿ շրջանակներում մի շարք իրադարձությունների: Դրանք առաջիկա զորավարժություններն են Տաջիկստանում և Ռուսաստանում», — ասել է նա:
«Ռուբեժ -2021» զորավարժությունների ժամանակ զորամասերն իրենց մարտական հմտությունները կիրառում են ՀԱՊԿ պայմանական պետություններից մեկի տարածք ներխուժած անօրինական զինված կազմավորումների ոչնչացման գործում:
ՀԱՊԿ Կենտրոնական Ասիայի ուղղության արագ տեղակայման հավաքական ուժերի խմբավորումը կազմում է մոտ 5 հազար մարդ:
