ՀՀ և ԱՀ արտգործնախարարները քննարկել են տարածաշրջանային զարգացումներին վերաբերող հարցեր

Օգոստոսի 20-ին տեղի է ունեցել Արցախի Հանրապետության արտաքին գործերի նախարար Դավիթ Բաբայանի և Հայաստանի Հանրապետության արտաքին գործերի  նորանշանակ նախարար Արարատ Միրզոյանի հեռախոսազրույցը։

Դավիթ Բաբայանը  շնորհավորել է Արարատ  Միրզոյանին և հաջողություն մաղթել աշխատանքում, կարևորել է սերտ փոխգործակցությունը՝ հույս հայտնելով, որ  հայկական երկու հանրապետությունների արտաքին գերատեսչությունների միջև համագործակցության բարձր մակարդակը  հետագայում ևս կպահպանվի։

Քննարկվել են ադրբեջանա-ղարաբաղյան հակամարտության կարգավորմանը և տարածաշրջանային մի շարք զարգացումներին վերաբերող հարցեր։