ՀՀ Ճանապարհային ոստիկանությունն այսօր նշում է հիմնադրման 85-ամյակը։ Այս առիթով շնորհավորական ուղերձ է հղել ՀՀ ոստիկանության պետ Վահե Ղազարյանը։
«Ոստիկանների մի քանի սերունդ, որոնք ութ և կես տասնամյակ անվտանգ երթևեկություն են ապահովել մեր հանրապետության ճանապարհներին, բնակավայրերում, մայրաքաղաք Երևանում, իրենց ծառայությունը կատարել են բարեխիղճ ու նվիրումով` նպատակ ունենալով ապահովել երթևեկության բոլոր մասնակիցների անվտանգությունը»,- նշված է ուղերձում։
Ճանապարհային ոստիկանության 85-ամյակի առիթով նաև երգի տեսահոլովակ է հրապարակվել։
