Այսօր Տաջիկստանի մայրաքաղաքն ընդունելու է Հավաքական անվտանգության պայմանագրի կազմակերպության (ՀԱՊԿ) Խորհրդարանական վեհաժողովի անդամներին: Դուշանբեում, Ռուսաստանի Պետդումայի նախագահ Վյաչեսլավ Վոլոդինի նախագահությամբ, տեղի կունենա վեհաժողովի խորհրդի նիստը, որին մասնակցելու է նաև Հայաստանի խորհրդարանի նախագահ Արարատ Միրզոյանը:
Հանդիպման ժամանակ քննարկվող թեմաներից է լինելու 2021-2025 թվականների ընթացքում կազմակերպության անդամ պետությունների ազգային օրենսդրությունների ներդաշնակեցման հարցը:
