Ֆրանսիայի մայրաքաղաքում տեղի է ունեցել տոնական արարողության փորձ, որի ժամանակ հսկա պաստառի վրա ներկայացվել է Փարիզի գլխավոր խորհրդանիշերից մեկը՝ Էյֆելյան աշտարակը:
Հայաստանի օլիմպիական կոմիտեից հայտնում են, որ Տոկիոյի խաղերի փակման արարողության գլխավոր իրադարձություններից մեկը կլինի ֆրանսիացիների պատրաստած 12 րոպեանոց շնորհանդեսը:
Տոկիոյի նահանգապետ Յուրիկո Կոիկեն օգոստոսի ութին օլիմպիական դրոշը պաշտոնապես կհանձնի Փարիզի քաղաքապետ Անն Իդալգոյին: Փարիզում միջոցառումը կուղեկցվի զանգվածային տոնակատարություններով:
Դրանք նախատեսվում է հեռարձակել Տրոկադերոյի այգիների մեծ էկրանների վրա, իսկ երկնքում մեծամասշտաբ շոու կցուցադրեն Ֆրանսիայի ռազմաօդային ուժերի ներկայացուցիչները:
