Հատուկ Երևանի համար պատվիրված ավտոբուսները Հայաստան կհասնեն աշնանը՝ հայտնել է Երևանի քաղաքապետ Հայկ Մարությանը:
Քաղաքապետը մեքենաշինական գործարանից ուղարկված լուսանկարներ է հրապարակել Ֆեյսբուքում ու գրել. «Մեր գործընկերներն ամբողջ թափով աշխատում են՝ մեր պատվիրած 211 ավտոբուսները ժամանակին մատակարարելու համար»:
«Ավտոբուսների բրենդինգը՝ սկսած արտաքին տեսքից, մինչև ուղեսրահի դետալները, արվում է մեր պատվիրած նյութերով, գույներով ու այլ չափորոշիչներով», — նշել է Մարությանը:
Ըստ պայմանագրի՝ ավտոբուսները Երևանում կլինեն այս տարվա աշնանը:
