Կանադայի խորհրդարանի ընդդիմադիր պատգամավոր, ստվերային կառավարության արտգործնախարար Մայքլ Չոնգը մտահոգություն է հայտնել ադրբեջանական զորքերի՝ Հայաստանի տարածք ներթափանցելու մասին հաղորդումների կապակցությամբ:
Նա կոչ է արել Կանադայի վարչապետին հանդես գալ Հայաստանի տարածքային ամբողջականությունը պաշտպանող հայտարարությամբ:
Concerned about reports of Azerbaijani troops crossing into Armenia.
— Michael Chong 🇨🇦 (@MichaelChongMP) May 13, 2021
Having approved arms exports that upset the balance of power in Nagorno-Karabakh war, the Trudeau government must speak up to defend the territorial integrity of Armenia. #cdnpoli https://t.co/y2dsoBSX72
«Լեռնային Ղարաբաղի պատերազմում ուժերի հավասարակշռությունը խաթարող զենքի արտահանման թույլտվություն տալուց հետո Թրյուդոյի կառավարությունը պետք է խոսի Հայաստանի տարածքային ամբողջականության անձեռնմխելիության մասին», — Twitter- ի իր էջում գրել է Չոնգը:
Մայիսի 12-ին Ադրբեջանի զինված ուժերը հատել են Հայաստանի Հանրապետության պետական սահմանը և առաջ անցել 3,5 կիլոմետր Սյունիքի մարզի Սև Լիճ հատվածում՝ փորձելով շրջապատել և պաշարել լիճը: Հինգշաբթի օրը ՀՀ ՊՆ-ն հաղորդել է Վարդենիսի և Սիսիսանի սահմանային հատվածներում սադրանքների մասին:
