Ադրբեջանի վերահսկողության տակ անցած տարածքներում գտնվող հայկական մշակութային ժառանգության ոչնչացումը մտահոգիչ է։ Այս մասին Լիտվայի արտգործնախարար Գաբրիելիուս Լանդսբերգիսի հետ համատեղ մամուլի ասուլիսում ասել է ՀՀ ԱԳ նախարարի պաշտոնակատար Արա Այվազյանը:
«Մենք արդեն ականատես ենք եղել հայկական պաշտամունքի վայրերի և հուշարձանների ոչնչացման նախադեպերին և դրանք արդարացնելու պաշտոնական հայտարարություններին: Այս հարցը մեր մշտական ուշադրության և աշխատանքնեդի շրջանում է և վստահաբար նկատեք եք, որ միջազգային մեր գործընկերներն ամենախիստ ձևով քնադատել են հայկական պատմամշակութային ժառանգությանը ոչնչացնելու և դրանց ինքնությունը փոխելու ցանկացած միտումները»,- ասել է Այվազյանը։
Նա հայտնել է, որ այդ հարցը մտել է խաղաղ գործընթացի օրակարգի մեջ, ինչի մասին վկայում են ԵԱՀԿ Մինսկի խմբի հանանախագահության 2020թ. դեկտեմբերի 3-ի և այս տարվա ապրիլի 13-ի հայտարարության դրույթները։
«Մենք աշխատում ենք մասնագիտացված կառույցների հետ։ Շատ սերտ ենք համագործակցում ՅՈՒՆԵՍԿՕ-ի և այլ կառույցների հետ»,- նշել է նախարարի պաշտոնակատարը։
Նա կարևորել է միջազգային հանրության առջև խնդրի բարձրացումը: Ապրիլի 24-ին Երևանի քաղաքապետարանում տեղի է ունեցել ԱԳՆ նախաձեռնությամբ անցկացվող «Վտանգված ժառանգություն. Արցախ» ցուցահանդես բացման արարողությունը՝ , որին մասնակցել են Հայաստան ժամանած բարձրաստիճան պատվիրակությունները։ Այն գործելու է մինչև մայիսի 2-ը Երևանի քաղաքապետարանում։
