Ապրիլի 25-ին Ֆրանսիայի Ալֆորվիլ քաղաքում տեղի են ունեցել Հայոց ցեղասպանության 106-րդ տարելիցին նվիրված միջոցառումներ, որոնց ներկա են եղել Ալֆորվիլի քաղաքապետ Լյուկ Կարվունասը, Ֆրանսիայի ԱԺ պատգամավոր Իզաբել Սանտիագոն, Ֆրանսահայ կազմակերպությունների համակարգող խորհրդի նախագահ Մուրադ Փափազյանը, քաղաքային խորհրդի անդամներ, հայ հոգևոր դասի ներկայացուցիչներ և համայնքային կազմակերպությունների ղեկավարներ: Միջոցառմանը ելույթով հանդես է եկել Ֆրանսիայում Հայաստանի դեսպանության ներկայացուցիչ Տիգրան Բաղդասարյանը։
