Մեկնարկել է ՀՀ նախագահ Արմեն Սարգսյանի պաշտոնական այցը Վրաստան

Մեկնարկել է Հայաստանի Հանրապետության նախագահ Արմեն Սարգսյանի պաշտոնական այցը Վրաստան:

Այս մասին տեղեկանում ենք նախագահի աշխատակազմի ֆեյսբուքյան էջից:  

Թբիլիսիի «Շոթա Ռուսթավելի» միջազգային օդանավակայանում նախագահ Արմեն Սարգսյանին դիմավորել է Վրաստանի փոխվարչապետ, արտաքին գործերի նախարար Դավիթ Զալկալիանին:

ՀՀ նախագահ Արմեն Սարգսյանը երկօրյա այցը Վրաստան մեկնարկելու է ապրիլի 15-ին: Նախագահի դիմավորման պաշտոնական արարողությունը տեղի կունենա Օրբելիանիի պալատում:

Պաշտոնական այցի շրջանակներում նախատեսվում է Հայաստանի և Վրաստանի նախագահների առերես և ընդլայնված հանդիպում, որից հետո Արմեն Սարգսյանը և Սալոմե Զուրաբիշվիլին հանդես կգան համատեղ հայտարարություններով մամուլում:

Նախատեսվում է նաև հանդիպում ՀՀ Նախագահի և Վրաստանի խորհրդարանի նախագահի միջև:

• Բարի գալուստ պարոն նախագահ. Հայաստանի ու Վրաստանի նախագահները թվիթերում ողջունել են միմյանց