«Անվտանգության հարցերը երեք երկրների ղեկավարների վերահսկողության ներքո են», — «Ռադիոլուր»-ի հարցին ի պատասխան ասել է ՌԴ արտակարգ և լիազոր դեսպան Սերգեյ Կոպիրկինը՝ «Մոսկվայի տանն» ունեցած ճեպազրույցի ժամանակ։
Հարցին՝ ապաշրջափակման համատեքստում ՝ Մեղրիով անցնող ուղու վերաբերյալ անվտանգային խնդիրներ տեսնու՞մ է, դեսպանը պատասխանել է․
«Այդ հարցը քննարկվում է եռակողմ աշխատանքային խմբի գործունեության շրջանակում, վերջերս այստեղ էր նաև հաղորդակցման հարցերով զբաղվող տեխնիկական պատվիրակությունը, որի ուշադրության կենտրոնում է հարցը։ Անվտանգության հարցերը երեք երկրների ղեկավարների վերահսկողության ներքո են, ես նոր ասելիք չունեմ, առաջարկում եմ միասին հետևենք արդյունքներին»։
