Հրապարակվել են ՀՀ ՄԻՊ-ի 2020 թվականի տարեկան հաղորդումը եւ խոշտանգումների կանխարգելման մեխանիզմի տարեկան զեկույցը, հայտնում է ՀՀ մարդու իրավունքների պաշտպանը։
«Արդեն հրապարակված են ՀՀ մարդու իրավունքների պաշտպանի 2020 թվականի հաղորդումը եւ խոշտանգումների կանխարգելման մեխանիզմի զեկույցը:
Այս փաստաթղթերում մասնագիտական վերլուծությամբ, անաչառ ու ապաքաղաքական սկզբունքներով ներկայացված են 2020 թվականի ընթացքում, այդ թվում՝ նոր կորանավիրուսային (COVID-19) համավարակի, արտակարգ եւ ռազմական դրությունների պայմաններում Մարդու իրավունքների պաշտպանի գործունեության արդյունքները, մարդու իրավունքների խնդիրներն ու դրական զարգացումները։
Փաստաթղթերն աննախադեպ մեծ ծավալի են՝ 1970 էջ: Մարդու իրավունքների պաշտպանի աշխատակազմի թիմային ու պրոֆեսիոնալ, իրենց գործին նվիրված ու հայրենասեր մարդկանց աշխատանքի արդյունք են:
Ընդ որում, տարեկան հաղորդման ու զեկույցի մեջ ներառված չեն այն տասնյակներով արտահերթ զեկույցներն ու հաղորդումները, որ 2020թ. ընթացքում կազմվել են»,- նշված է հաղորդագրությունում։
Տարեկան հաղորդման հղումը՝ այստեղ:
Խոշտանգումների կանխարգելման մեխանիզմի տարեկան զեկույցը՝ այստեղ:
