Հայրենիքի փրկության շարժումը հանրահավաք է անցկացնում Դեմիրճյան փողոցում։
Մարտի 23-ին շարժումը հայտարարություն էր տարածել այն մասին, որ պայքարի ներկա շրջափուլում որոշել է.
1. Սկսել քաղաքական ակցիաների նոր ալիք՝ ընդլայնելով գործողությունների աշխարհագրությունն ու մարզերի բնակչության ընդգրկվածությունը:
2. Հանրային ճնշման պահպանման և Շարժման հետագա գործողությունների համակարգման նպատակով Դեմիրճյան փողոցում տեղակայված վրանային ճամբարը հայտարարել Շարժման շտաբ:
3. Վերականգնել Բաղրամյան պողոտայով ազատ տեղաշարժը՝ վերացնելով քաղաքացիների համար ստեղծված անհարամարությունը:
Շարժման խորհուրդը նաև հայտնել էր, որ հետագա անելիքները քննարկելու համար մարտի 28-ին հրավիրում է Հայրենիքի փրկության շարժման համապետական հանրահավաք:
