Ինչպես հուշում է նաև անվանումը՝ ArmCeramics-ի կավե բոլոր արարումները հայկական մոտիվներով են․ այն հայկական կավագործության ավանդույթների և մանրանկարչական զարդանախշերի ինքնօրինակ համադրություն է։
ArmCeramics-ի հիմնադիրներն են առաջին անգամ Երևանում պատրաստել այժմ կավագործների կողմից այդքան սիրված կավե նուռը՝ արտացոլելով Հայաստանի ամենագեղեցիկ խորհրդանիշերից մեկը։
ArmCeramics-ը նաև «տավուշեցի» բրենդ է․ կավե արտադրանքն այժմ ստեղծվում է Նոյեմբերյանում։
Արփինե Գիշյանը պատմում է․ «2004 թվականին այնպես ստացվեց, որ հանգամանքների բերումով ժամանակավորապես տեղափոխվեցինք Նոյեմբերյան, և արդյունքում ամուսինս շատ սիրեց Տավուշը, Նոյեմբերյանը, մեր սարերն ու ձորերը և, կարելի է ասել, հաստատվեցինք այստեղ։ Հիմա անգամ չենք էլ մտածում Երևանի մասին, որովհետև այն, ինչ անում ենք կավով, անհնար է անել քաղաքային միջավայրում»:
Մանրամասերը՝ տեսանյութում:
