ԱՀ աշխատանքի, սոցիալական և միգրացիայի հարցերի նախարարությունից հայտնում են, որ 68 000 ՀՀ դրամի չափով 4 ամիս աջակցությունից օգտվելու համար դիմումների լրացման վերջնաժամկետն այսօր է՝ մարտի 15-ը:
«Եթե չեք հասցրել լրացնել դիմումը, շտապեք այսօր մուտքագրել այն։ Դիմումը լրացնելու ընթացքում ծագած ցանկացած խնդրի առնչությամբ զանգահարեք նախարարության թեժ գծին՝ 114 համարով կամ այցելեք Ստեփանակերտ քաղաքի Կնունյանցների 1 հասցեում գործող դիմումների բաժին», — նշված է հաղորդագրության մեջ:
Միջոցառման շահառու են հանդիսանում Արցախում հաշվառված կամ փաստացի բնակված ինչպես չափահաս, այնպես էլ անչափահաս քաղաքացիները (բացառությամբ 18-63 տարեկան, հաշմանդամություն չունեցող արական սեռի անձանց)։
Երեխաների դրամական օգնությունը կտրամադրվի ծնողին՝ անկախ վերջինիս միջոցառման շահառու լինելու հանգամանքից։
