Արցախի հերոս, Շուշին ազատագրող լեգենդար հրամանատար, գեներալ-գնդապետ Սեյրան Օհանյանը այս օրերին դարձել է նաև Շուշին պաշտպանող լեգենդ։ Այս մասին ասել է ՀՀ ՊՆ ներկայացուցիչ Արծրուն Հովհաննիսյանը՝ պատասխանելով հարցին, թե ինչ է, արել Օհանյանը, որ թշնամին այժմ էլ նրա վիրավոր լինելու մասին է հայտարարում։
«Սեյրան Օհանյանն այսօր էլ կանգնած է զորքի կողքին և կռվում է, նրա վիրավորված լինելու լուրը կեղծ է։ Ու ես հավատում եմ, ու վստահ եմ, որ նրա հրամանատարությամբ նրա զինակիցների գործը ավարտին կհասցնենք փառքով»,- ասել է Արծրուն Հովհաննիսյանը։
