ԱՀ նախագահը գրառում է կատարել ֆեյսբուքի իր էջում, որում հայտնել է, որ հայրենիքի համար մղվող պայքարում զոհվել է իր լավագույն ընկերներից Ալեքսանդր Հարությունյանը:
«Սիրելի՛ հայրենակիցներ Մեր սուրբ Հայրենիքի համար մղվող կենաց և մահու պայքարում այսօր քաջի մահով ընկավ իմ լավագույն ընկերներից` Ալեքսանդր Հարությունյանը` մեր Սաշիկը:
Միասին մարտական ուղի ենք անցել` սկսած 1992-ից` այդ ընթացքում փորձություններ հաղթահարելով, հաճախ ուղիղ նայելով մահվան աչքերին… Նա դարձավ առաջիններից մեկը, ով Արցախյան առաջին պատերազմում «Մարտական խաչ» 1-ին աստիճանի շքանշան ստացավ:
Իմ հերո՛ս ընկեր, այս անգամ թշնամու մահաբեր արկը չշրջանցեց քեզ, ու դու ևս միացար մեր նահատակ ընկերներին: Հայրենիքի հանդեպ սերդ ու անմնացորդ նվիրումդ որպես դաս թողեցիր սերունդներին: Ննջիր խաղաղությամբ…»,- գրել է ԱՀ նախագահը:
