Այս տարվա տնտեսական դժվարությունները հաշվի առնելով՝ անհամեմատ պակասեցվել է ժամկետանց կամ ապօրինի կրպակների, տաղավարների ապամոնտաժումը: Այս մասին ֆեյսբուքի իր էջում հայտնում է Արաբկիր վարչական շրջանի ղեկավար Արամ Դանիելյանը:
«Այնուամենայնիվ, երթևեկության կամ հետիոտների անվտանգությանը մեծ ռիսկ սպառնացողները ժամանակ առ ժամանակ հեռացվում են:Նկարում Գյուլբենկյան և Խաչատրյան փողոցների խաչմերուկի գազոնային հատվածում տեղադրված երկու բետոնացված տաղավարներն են՝ յուրաքանչյուրը մոտ 20քմ զբաղեցրած մակերեսով: Գազոները կվերականգնվեն, մայթին էլ կտեղադրվեն նստարաններ», — գրել է նա՝ հրապարակելով լուսանկարներ:
