Երեւան քաղաքի ընդհանուր իրավասության դատարանի Շենգավիթի նստավայրում 19․00-ին մեկնարկել է ԲՀԿ առաջնորդ Գագիկ Ծառուկյանին կալանավորելու միջնորդությունը։ Գործը մակագրված է դատավոր Ռոբերտ Պապոյանին:
Ի աջակցություն Ծառուկյանի՝ Դատարանի մոտ են եկել ոչ միայն ԲՀԿ պատգամավորները, այլև ԱԱԾ նախկին պետ Արթուր Վանեցյանը, ՀՅԴ Գերագույն մարմնի անդամ Արծվիկ Մինասյանը։
Դատավոր Պապոյանն իր գործունեությունը սկսել է 2011 թվականից։ Հանրային հնչեղություն ստացած գործերից 2019–ին նա քննել է Մասիսի քաղաքապետ Դավիթ Համբարձումյանի և ևս յոթ քաղաքացու վերաբերյալ գործը։
Այն առնչվում էր հեղափոխության օրերին քաղաքացիներին ահաբեկելու և հանրահավաքներին մասնակցելուն խոչընդոտելու դեպքերին։
