Մենք ապրող ու հաղթող ժողովուրդ ենք, ֆեյսբուքի իր էջում գրել է ՀՀ վարչապետ Նիկոլ Փաշինյանն ու հրապարակել Սարդարապատի հուշահամալիրի լուսանկարը։
Մայիսի 28-ին Հայաստանը տոնում է Առաջին Հանրապետության օրը: 1918-ի մայիսի 28-ին Հայոց ազգային խորհուրդը հայտարարեց անկախ Հայաստանի Հանրապետության ստեղծման մասին:
Հանրապետության օրը պաշտոնապես նշվում է 1992 թվականից: Այն հայոց պետականության վերածննդի խորհրդանիշն է։ Այս օրն ավանդաբար Սարդարապատ են այցելում Հայաստանի բարձրաստիճան պաշտոնյաներ, քաղաքական ուժերի ներկայացուցիչներ և այլոք։ Սակայն այս տարի նոր տիպի կորոնավիրուսի տարածումը կանխելու նպատակով մայիսի 28-ին փակ կլինի Սարդարապատի հուշահամալիրը։ Հանրային բոլոր միջոցառումները ևս չեղարկվել են։
