Պետք է կարանտինային պայմաններ ապահովենք՝ առանց կարանտին հայտարարելու. Նիկոլ Փաշինյան

Կառավարության նիստի սկզբում այսօր վարչապետ Նիկոլ Փաշինյանն անդրադարձել է կորոնավիրուսով պայմանավորված իրավիճակին։ Նա տեղեկացրել է, որ արձանագրվել է 335 նոր դեպք: «Իրավիճակը շատ ավելի լուրջ է, քան պատկերացնում ենք, ու պետք է խստագույն միջոցներ ձեռնարկենք՝ համավարակը հսկողության տակ առնելու համար, որպեսզի նորից չգնանք ծայրահեղ սահմանափակումների։ Պետք է կարանտինային պայմաններ ապահովենք՝ առանց կարանտին հայտարարելու»,- ասել է Նիկոլ Փաշինյանը։