Լուսինե Վասիլյան
«Ռադիոլուր»
Կենտրոնական ընտրական հանձնաժողովը մինչև ժամը 15-ը գրավոր դիմում չի ստացել` «Ռադիոլուր»-ի հետ զրույցում ասել է ԿԸՀ իրավաբանական վարչության պետ Նունե Հովհաննիսյանը: Նա նշել է, որ իրավիճակային վերլուծության կենտրոնը լրատվամիջոցներրով շրջանառվող մոտ 40 ահազանգ է ուոսումնասիրել:
Ահազանգերի հիմնական մասը վերաբերում է ընտրատեղամասերի կուտակումներին: Դրանք կԸՀ ներկայացուցիչը պայմանավորում է ընտրական պրոցեսի մասնակիցների մեծաթիվությամբ: Տեղամասում կարող են ներկա լինել 7 մասնակիցներից յուրաքանչյուրի մեկական վստահված անձ, դիտորդներ, լրատվամիջոցների ներկայացուցիչներ և մինչև 15 ընտրող: Սա , ըստ Հովհաննիսյանի, կարող է ոչ արհեստական կուտակումներ առաջացնել:
ԿԸՀ ներկայացուցիչն ասել է, որ միայն երկու դեպք են արձանագրել, երբ տեղամասում եղել է ներկա գտնվելու իրավունք չունեցող անձ: Առաջինը առավոտյան է գրանցվել, երբ նույն թեկնածուի համար 2 վստահված անձ է ներկայացել, երկրորդը ` կեսօրից հետո 7/15 տեղամաս պարբերաբար մուտք է գործել ինքը`ավագանու թեկնածուն: Հանձնաժողովի նախագահի և թեկնածուի միջև վեճ էսկսվել, բայց ծեծկռտուք չի եղել:
