Հայաստանի Հանրապետության Սահմանադրության 120-րդ հոդվածի 2-րդ մասի եւ «Ազգային ժողովի կանոնակարգ» սահմանադրական օրենքի 48-րդ հոդվածի համաձայն, իրավունքի ուժով գումարվող, Ազգային ժողովի հատուկ նիստի օրակարգում է Հայաստանի Հանրապետությունում արտակարգ դրություն հայտարարելու մասին հարցը։
Ավելի վաղ հայտնել էինք, որ Կառավարությունը որոշեց Հայաստանի Հանրապետության ամբողջ տարածքում 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն, ներառյալ՝ ժամկետով հայտարարել արտակարգ դրություն: Այս մասին որոշման նախագիծն ընդունվեց կառավարության արտահերթ նիստում։
