Ավտոմեքենաները կանաչ գոտիներում կայանելն արդեն սովորական է դարձել: Արաբկիր վարաչական շրջանի ֆեյսբուքյան էջում լուսանկարներ են հրապարակված՝ հետևյալ գրառմամբ.
«Հարգելի՛ վարորդներ, ձեր կամայական կայանումներով կանաչապատ միջավայրից զրկում եք ձեր իսկ երեխաներին: Յուրաքանչյուր նման կայանումից առաջ հիշեք, որ ձեզ հետևում են ոչ միայն տեսախցիկներն ու ՃՈ աշխատակիցները, այլև օրինապահ քաղաքացիները»:
Հետգրության մեջ նշվում է, որ վարչական շրջանի բնակիչներն են տրամադրել լուսանկարները, որոնք պարբերաբար կհրապարակվեն՝ հրավիրելով պատկան մարմինների ուշադրությունը:
