Հայկական կոնյակի պահանջարկը մեծանում է։ 2019թ Հայաստանում արտադրվել է ավելի քան 43 միլիոն լիտր կոնյակ։ 2018թ.-ի համեմատ արտադրության ծավալներն աճել են 41.5%-ով։
«Հիմնական շուկան Ռուսաստանն է, առևտուրն աշխուժացել է Ղազախստանում, Բելառուսում, նաև Ուկրաինայում ենք մեծ աճ արձանագրել: Աշխատում ենք մի շարք եվրոպական երկրների հետ: 2019-ին ևս գրանցել ենք աճ՝ 20-25 %-ի չափով: Այս տարվա համար նույնպես ունենք բարձ ակնկալիքներ»,- ասում է Պռոշյանի կոնյակի գործարանի գլխավոր տեխնոլոգ Ալբերտ Ներսիսյանը՝ ՀՀ կառավարության ֆեյսբուքյան էջում հրապարակված տեսանյութում:
