Անվերջ երիտասարդ, բարձունքներ նվաճող ու միշտ զարգացող, տարիների հարուստ փորձ ունեցող նվագախմբի առաջին ելույթը 95 տարի առաջ էր․․․
Հայաստանի ազգային ֆիլհարմոնիկ նվագախումբն այս տարի 95 տարեկան է։ Նվագախումբը հիմնվել է 1925թ. մարտին, սկզբնապես որպես Երևանի կոնսերվատորիայի նվագախումբ: Նրա հիմնադիրներն էին Երևանի կոնսերվատորիայի տնօրեն Արշակ Ադամյանը՝ կոմպոզիտոր Ալեքսանդր Սպենդիարյանի անմիջական մասնակցությամբ և աջակցությամբ: Այդ նվագախումբը հիմք է հանդիսացել Հայաստանում գործող բոլոր սիմֆոնիկ կոլեկտիվների համար:
ՀԱՖՆ-ն այժմ ազգային պրոֆեսիոնալ նվագախմբային երաժշտության կենտրոն է: 2000-ից նվագախումբը գլխավորում է մաեստրո Էդուարդ Թոփչյանը:
ՀԱՖՆ-ն իր ֆեյսբուքյան էջում տարածել է մարտի 20-ի համերգի ազդագիրը, որում ներկայացված է ծրագիրը՝
Բեթհովեն՝ Սիմֆոնիա թիվ 1
Շոստակովիչ՝ Սիմֆոնիա թիվ 13 («Бабий Яр»)
«Հովեր» պետական կամերային երգչախմբի արական կազմ
Խմբավար՝ Նարինե Ոսկանյան
Մենակատար՝ Եվգենի Ստավինսկի, բաս (Ռուսաստան)
Դիրիժոր՝ Էդուարդ Թոփչյան
