Արտակ Բարսեղյան
«Ռադիոլուր»
Սփյուռք նախարարի պաշտոնակատար Հրանուշ Հակոբյանի նախագահությամբ այսօր տեղի ունեցավ սիրիահայերի հիմնախնդիրները համակարգող միջգերատեսչական հանձնաժողովի հերթական նիստը։
Սիրիայից Հայաստան տեղափոխված մեր հայրենակիցներից 3445-ը հաշվառված են Սիրիահայերի հիմնախնդիրները համակարգող կենտրոնում, հանձնաժողովի նիստում հայտնեց կենտրոնի նախագահ Լենա Հալաջյանը:
Անցյալ տարեվերջից սկսած Էկոնոմիկայի նախարարության հետ համատեղ Հայաստանի փոքր և միջին ձեռնարակատիրության զարգացման ազգային կենտրոնը դասընթացներ են կազմակերպել` հնարավորություն են տվել տասնյակ սիրիահայերի իրենց բիզնեսն սկսելու, հայտնեց կենտրոնի տնօրեն Վարազդատ Կարապետյանը:
Ըստ նրա՝ մեր մոտ 300 հայրենակիցներին, ովքեր ցանկություն են հայտնել զբաղվել այստեղ ձեռնարակատիրությամբ, ներկայացվել է մեր երկրի հարկային և մաքսային օրենսդրության յուրահատկությունները: Նրանց որոշ մասն արդեն իսկ կենտրոնի աջակցությամբ հիմնել են ձեռնարկություններ:
Սիրիահայ գործարարների համար ստեղծվել են հատուկ պայմաններ` մինչեւ հինգ միլիոն դրամ վարկ, որ պետք է մարվի հինգ տարվա ընթացքում `տարեկան չորս տոկոս տոկոսադրույքով: Նրանք հիմնականում զբաղված են հաստոցաշինության, ոսկերչության, հասարակական սննդի, կահույքագործության, մանկական սննդի արտադրության և տաքսի ծառայության ոլորտներում:
Բացի դրանից՝ 515 սիրիահայ դիմել է զբաղվածության կենտրոն, նրանցից շատերին չի գոհացրել առաջարկվող աշխատավարձը
Իր հերթին՝ Սփյուռք նախարարի պաշտոնակատար Հրանուշ Հակոբյանը հայտնեց, որ արդեն 700-ից ավելի սիրիահայ աշխատատանք ունի հայրենիքում:
