Թուրքիայի օդանավակայանում ուղևորատար ինքնաթիռը դուրս է եկել թռիչքուղուց և բաժանվել է երեք մասի, ինչի հետևանքով 21 մարդ վիրավորվել է:
Ինքնաթիռը, որում եղել են 171 ուղևոր և վեց հոգանոց անձնակազմը, վթարի է ենթարկվել Ստամբուլի Սաբիհա Գոքսեն օդանավակայանում:
Զոհեր չկան, հայտնել է Թուրքիայի տրանսպորտի նախարարը:
BREAKING: Plane skids off runway in Sabiha Gokcen International airport in Istanbul; unknown if there are victims pic.twitter.com/UuIXVDlFa7
— BNO News (@BNONews) February 5, 2020
Ըստ Ստամբուլի նահանգապետի՝ 21 մարդ շտապօգնությամբ տեղափոխվել է հիվանդանոց, իսկ տարհանման աշխատանքները շարունակվում են:
«Պեգասուս ավիաուղիների» ինքնաթիռը, որը չվերթ էր իրականացնում Իզմիրից, վայրէջք է կատարել ուժեղ անձրևի ժամանակ, հայտնում են թուրքական ԶԼՄ-ները:
Ուղևորները հիմնականում դուրս են բերվել, բայց վթարված օդանավում դեռ մարդիկ կան:
