Google և Facebook ընկերությունների բիզնես մոդելները սպառնում են մարդու իրավունքներին, հայտարարել է Amnesty International միջազգային իրավապաշտպան կազմակերպությունը։
Հեղինակավոր կազմակերպության մասնագետները ընդգծում է, որ խոսքը, նախևառաջ, վերաբերում է անձնական տիրույթի նկատմամբ «աննախադեպ ոտնձգությանը»:
Facebook-ի և Google-ի ներկայիս գործունեության հայեցակարգը երրորդ կողմերին, այդ թվում՝ գովազդ արտադրող ընկերություններին, տալիս է օգտատերերի անձնական տվյալները հայթյայթելու հնարավորություն:
Amnesty International-ը մոլորակի կառավարություններին հորդորում է մշակել և ընդունել օրենքներ, որոնք կերաշխավորեն գովազդ տարածող ընկերությունների կողմից չթիրախավորվելու օգտատերերի իրավունքը:
Facebook-ի և Google անվճար ծառայությունների դիմաց օգտատերերը շատ ավելին են վճարում։ «Ռադիոլուրը» հետաքրքրվել է տեղեկատվության անվտանգության փորձագետ Սամվել Մարտիրոսյանից, ինչպես պաշտպանել անձնական տիրույթը
