Աջափնյակում հիմնանորոգման աշխատանքների արդյունքն արդեն երեւում է

Աջափնյակ վարչական շրջանի ղեկավար Գևորգ Բաբայանն իր ֆեյսբուքյան էջում   լուսանկարներ է հրապարակել, որոնք արվել են համայնքի Ֆուչիկի փողոցում, և ներկայացրել է փողոցում ու հարակից բակերում կատարված վերանորոգման ու բարեկարգման աշխատանքները:

• քանդվել է մոտ 20 հազար քմ ցանցապատ՝ հիմնականում աղբավայրի վերածված, զավթված և կառուցապատված տարածք,

• փողոցի մոտ 850 մետր երկարությամբ հատվածում երկկողմանի փոխվել են գոյություն «չունեցող» եզրաքարերը,

• կառուցվել են նոր հետիոտնային անցուղիներ (մայթեր),

• փոխվել է ամբողջ փողոցի և մայթերի ասֆալտբետոնե ծածկույթը,

• կառուցվել են աստիճաններ և խաղահրապարակ։

• շուտով կմեկնարկեն ծառերի էտման և նոր ծառերի համալրման աշխատանքները,

• մինչև ոռոգման սեզոնի մեկնարկը պատրաստ կլինի նաև ամբողջովին նոր և արդիական ոռոգման համակարգը,

• 2020 թ-ին կփոխվի լուսավորության համակարգը։