Աիդա Ավետիսյան
«Ռադիոլուր»
Բազմաբնակարան բնակելի 90 շենքի տանիքներին նախատեսվում է տեղադրել արևային ֆոտովոլտային համակարգեր, որոնք կապահովեն վերելակների շահագործման, շենքերի մուտքերի բոլոր հարկերի և բակերի լուսավորության էլեկտրաէներգիայի պահանջարկը:
Իսկ տարածքների լուսավորությունը կապահովվի լեդ լուսատուներով: Ավարտվել է լուսատուների ձեռքբերման մրցույթը: Դրանք արդեն գնվել են, « Ռադիոլուրին» տեղեկացրեց քաղաքապետարանի աշխատակազմի զարգացման և ներդրումային ծրագրերի վարչության պետի ժամանակավոր պաշտոնակատար Սերգեյ Ասլանյանը:
Այժմ բացատրական աշխատանքներ են տարվում բնակիչների հետ, քանի որ համակարգերի տեղադրումը հնարավոր է միայն բնակիչների մեծամասնության համաձայնությամբ ու մասնակցությամբ:
Շինարարական աշխատանքների համար բնակիչների մեծամասնությունից թույլտվությունները տրվել են: Երևանի համար « Արևային համայնք» ծրագիրն իրականացվում է ԵՄ կողմից տրամադրվող դրամաշնորհի միջոցներով:
