Գյումրիի լոկոմոտիվային դեպոյի ամբողջ անձնակազմը երեկվանից աշխատանքի դուրս չի եկել՝ «Ռադիոլուր»-ին հայտնել է Հարավկովկասյան Երկաթուղի ընկերության մամուլի պատասխանատու Ռուբեն Գրձելյանը:
Նրա տեղեկացմամբ, երկաթուղայինները աշխատավարձի 30 տոկոս բարձրացում են պահանջում: «Եթե Գյումրիի լոկոմոտիվային դեպոն չի աշխատում, դա նշանակում է, որ գնացք ընդհանրապես չի աշխատում՝ ոչ ներքին, ոչ արտաքին ուղղությամբ: «Փորձում ենք լուծում գտնել, սակայն, հայտնի չէ՝ մինչև օրվա վերջ լուծում կգտնե՞նք, թե՞ ոչ»,- ասել է ընկերության մամուլի պատասխանատուն:
Այս պահին երկաթուղու աշխատակիցները Գյումրիում հանդիպում են ընկերության տնօրինության հետ:
