Անի Զէյթունցեան
Ռատիօ Լուր
2004-2005 թուականին Հալէպէն երեք եղբայր Վաչէն, Ռաֆֆին և Շահէն կը փոխադրուին Արաբական Միացեալ Էմիրութիւններ և հոն կը հիմնեն NDIGITEC հիմնարկը:
2013 թուականին որոշեցին Հայաստանի մէջ հիմնել իրենց մասնաճիւղը: «Այն ժամանակ 5 հոգիով, հիմա 40 հոգի կ’աշխատի DIGITEC հիմնարկին մէջ, որն արդէն ինքնորոյն է, ունի լայնածաւալ և համաշխարհային մակարդակի ձեռնարկներ»,-կը պատմէ Վաչէն ։
Հոկտեմբեր 6-9 WCIT հայաստանեան ՏՏ ոլորտի համաժողովին Վաչէն ևս կը մասնակցի, իր կարծիքով սա Հայաստանի համար մեծ միջոցառում է, որովհետև տեղեկատուական արհեստագիտութեան ոլորտին մէջ Հայաստանը իր փառաւոր տեղն ունի։
«Մեր դարաւոր հայու միտքը տարբեր է, այդ փաստուած է, հայու միտքը յարգուած ու փնտրուած միտք է, մարդիկ կը վստահին որակին և հայ միտքի հորիզոններուն»,- կ՛ըսէ Վաչէ:
Աւելի քան 500 յաճախորդ և 200-է աւելի աշխատատեղ՝ տարածուած աշխարհի 25 երկիրներու մէջ, և դեռ այս թիւերը կը բարելաւուին ,ան աւելցուց, թէ այս տարի Տուպայի մէջ բացումը պիտի կատարուի Վաչէյի երազած կեդրոնին՝ Dubai Production City-ի մէջ, որ համբաւ ունեցող կեդրոն մըն է: Յայտնի գործարարի երազն է նաև, որ նոյնանման թեքնոլոժիի կենդրոններ հիմնուին Հայաստանի մէջ , ինչպէս փոքր Սիլիքոն Վալիներ ևլն։
«Մենք այդ մարդուժը ունինք, փառք Թումոյի նման կեդրոններու , որոնք իրենց ներդրումը կը բերեն այս ոլորտի մէջ»,-Վաչէ կը հաւատայ, որ Հայաստանի մէջ կը պատրաստուի յառաջիկայ 10 տարուան թեքնոլոժիի բանակ մը նոր սերունդով:
Մենք խօսեցանք Հայաստանի Յեղափոխութեան մասին: Ձեռնարկատէրը ըսաւ, թէ ինք՝ որպէս սփիւռքահայ, միշտ եղած է Հայաստանի հետ, սակայն հիմա նոր շունչով, նոր թափով, նոր երազանքներով, լաւատեսութեամբ կը խոստանայ ծառայել հայրենիքին։
Հանրային Ռատիոյէն առաջին անգամ ըլլալով ծանուցեց «I am media» համացանացային TV հարթակի մասին , որուն բացումը դեռ Հոկտեմբերին պիտի ըլլայ։ Առաջին անգամն ըլլալով հոն՝ ներդրողները պիտի ստանան մրցանակներ և նիւթական օգուտներ , «I am media» սոյն հարթակը պիտի ունենայ հետաքրքրական մասեր ինչպէս live հեռարձակում, original և exclusive ծրագիրներ, նաև հարթակ, որ ամէն մարդ կրնայ post ընել։
Հայաստանով և հայութեամբ հետաքրքրուող մարդիկ ամբողջ հայութեան լուրերը այդտեղ կրնան գտնել և հետևիլ։
Վաչէին հետ շատ երկար կարելի է զրուցել նորանոր միտքերու և ծրագիրներու մասին։ Իր յաջողութիւնները իր գործնական մարդ ըլլալու մէջ է. պէտք է գործնական քայլերով հասնինք արժանի և արժանավայել արդիւնքներուն, որ վայել է մեր ժողովուրդին և հայրենիքին։
