ԱԳՆ-ում տեղի ունեցած դեսպանների համաժողովին ելույթ է ունեցել վարչապետ Նիկոլ Փաշինյանը: Վարչապետն անդրադարձել է մի քանի հիմնադրույթների, որոնք հայկական դիվանագիտական մտքի առաջնահերթությունները պետք է լինեն:
Նիկոլ Փաշինյանի խոսքով՝ դա նախ և առաջ դեսպանների՝ ոչ միայն հայաստանակենտրոն, այլև համահայկական գործունեությունն է:
Դեսպանները պետք է ավելի ակտիվ ու սերտորեն համագործակցեն սփյուռքի հայկական համայնքների հետ, և դա պետք է դուրս լինի այսրոպեական կամ էմոցիոնալ համագործակցության տրամաբանությունից, այլ ունենա կոնկրետ, տրամաբանված ռազմավարություն, ասել է վարչապետը՝ շեշտելով, որ դիվանագիտական ներկայացուցչություններն ու հայկական համայնքները կարող են միասնաբար գործել ու հաջողություններ արձանագրել:
