Ի՞նչն է Մասիսի Հայաստան տեղափոխուելուն պատճառը

Անի Զէյթունցեան
Ռատիօ լուր

Մասիսի ընտանիքը, Արևելեան Հայաստանէն գաղթելով  դէպի Միջին Արևելք, և Աւստրալիա հաստատուած էր, իսկ ինք  ծնած էր Սիտնի:

Երբ Մասիս առաջին անգամ այցելեց Հայաստան Համայայկական խաղերու պատճառով, ան  որոշեց տեղափոխուիլ և հաստատուիլ Հայաստան։  Աւստրալիոյ կեանքը ձանձարալի էր՝ համեմատած Հայաստանի կեանքին:

Ան հարցազրոյցի ընթացքին ըսաւ,  որ սփիւռքի ծնողները պէտք է պնդեն իրենց զաւակներուն,  որ գան և այցելեն Հայաստան գոնէ անգամի մը համար։

Մասիս սկսած էր իր գործը Աւստրալիոյ մէջ՝ ընկերներուն համար ձայնային գործիքներ սարքելով հիմա նոյն գործը կ՛ընէր Երևանի մէջ. «Երբ Հայաստան զարգանայ, իր հիմնած arm audio design պիտակը շուտով պիտի տարածուի , որովհետեւ արտերկրէն ներմուծելը աւելի թանկ է , իսկ հայկականը՝ իր արտադրածը, աւելի մատչելի է», -ըսաւ զրուցակիցս:

Մասիսի տեսլականն էր հիմնել ինքնորոյն գործը Հայաստանի շուկային համար մատչելի գիներով, նաև ունենալ իր անձնական խանութը, ան հիմա արդէն իր ձեռքով կը պարրաստէ ձայնային տինամիքներ  և կը զբաղի սրահներու կամ ճաշարաններու աքուստիքայի  գործով։

 Ըստ Մասիսի՝ յեղափոխութիւնը կարևոր էր Հայաստանի համար. «Կառավարութիւններ պէտք է փոխուին , որ երկիրն ալ փոխուի և աւելի շուտ զարգանայ , մենք այդ յառաջընթացը կը սպասենք և կը զգանք ազատութիւնը»։

Ան կը յորդորէ իր ընկերներուն, որ գան այստեղ և կազմեն հայ ընտանիք ինչպէս ըրած էր ինք՝ ամուսնանալով Երևանէն հայ աղջկան հետ: Մասիս յայտնեց,  որ երկու ամիսէն անոնք զաւակ մը պիտի ունենան և անունը արդէն որոշած են, երբ հետաքրքրուած հարցուցի հպարտօրէն ըսաւ՝ Տրդատ:

 Մասիս կրկնեց , որ ինք ճիշդ որոշում կատարած էր և շեշտեց՝  ըսելով. «Հայաստանը քեզ կը գրաւէ, Հայաստանը սիրելը շատ հեշտ է»։

16-08-2019