Դուք կամքի ուժի օրինակ եք. դեսպանը՝ Հատուկ օլիմպիական խաղերի հայ մասնակիցներին

Արմինե Գեւորգյան
«Ռադիոլուր»

Հայաստանում Արաբական Միացյալ Էմիրությունների դեսպանությունում այսօր հյուրընկալել են Հատուկ օլիմպիական խաղերին մասնակցած հայ մարզիկներին:

Նրանք ներկայացնում են «Հայկական հատուկ օլիմպիադաներ» հասարակական կազմակերպությունը:

Դեսպան Մուհամմադ ալ Կատտամ ալ Զաաբին հայ մարզիկներին շնորհակալագրեր, նվերներ է հանձնել:

7-րդ Հատուկ օլիմպիական խաղերն այս տարի անց են կացվել Աբու Դաբիում: Մրցումներին մասնակցել է աշխարհի 200 երկրներից ավելի քան 7.500 մարզիկ:

Մտավոր հաշմանդամություն ունեցող վազորդ Գևորգ Մանուկյանը հինգ տարի զբաղվում է թեթև ատլետիկայով: Այս կարճ ժամանակահատվածում արդեն հասցրել է հաջողություններ գրանցել:

Այս տարի էլ մասնակցեց Աբու Դաբիում տեղի ունեցած «Հատուկ Օլիմպիական խաղեր» աշխարհի առաջնությանը: Նշենք, որ այս առաջնությանը մասնակցում էին 200 երկրներից ավելի քան 7.500 մտավոր և ֆիզիկական խնդիրներ ունեցող մարզիկներ:

Հայ մազիկները ձեռնունայն չեն վերադարձել՝ նվաճել են երկու ոսկե և մեկ բրոնզե մեդալ: Լողորդ Ռոբերտ Պետրոսյանը 50 մետր թիկնալող վարժությունում դարձել էր խաղերի հաղթող, իսկ ատլետիկայի մրցումներում վազորդ Գևորգ Մանուկյանին հավասարը չի եղել:

Այսօր ՀՀ- ում ԱՄէ դեսպանատունը հյուրընկալ էր «Հատուկ Օլիմպիական խաղերի» մասնակիցներին: Դեսպան Մուհամմադ ալ Կատտամ ալ Զաաբին, շնորհակալագրեր հանձնելով հայ մարզիկներին, նշեց, որ իրենք այն հերոսներն են, որոնցից սովորել են համբերատարություն և կամքի ուժ: