«Անջատում ենք «բենզապիլաները», միացնում ենք միտքը եւ ստանում արդյունք». այս գրառմամբ ֆեյսբուքյան իր էջում վարչապետ Նիկոլ Փաշինյանը հրապարակել է ՀՀ կառավարության տարածած տեսանյութը:
Տեսանյութը մարդկանց մասին է, որոնք իրենց գործով ապացուցում են, որ հնարավոր է չվնասել անտառը՝ ապրելով անտառին մոտ:
Հուշանվերների արհեստանոց, ջերմոց, լիմոնադի արտադրամաս. Տավուշի մարզի Հաղարծին և Թեղուտ համայնքներում իրականացվել է շուրջ 140 հազար եվրոյի փոքր դրամաշնորհային ծրագիր, որի նպատակն է աջակցել համայնքների բնակիչներին ստեղծել ապրուստի այլընտրանքային միջոցներ:
