Աննախադեպ հատկացումներ՝ գիտության և մշակույթի ոլորտներին

Գիտության և մշակույթի ոլորտներին կհատկացվի ավելի քան 1 մլրդ դրամ

ՀՀ կառավարությունը ՀՀ կրթության, գիտության, մշակույթի և սպորտի նախարարությանը տրամադրել է ֆինանսական միջոցներ՝ գիտական սարքավորումների ձեռքբերման, Միջգիտակարգային տվյալների կենտրոնի (Interdisciplinary Data Center) ստեղծման և մշակույթի ոլորտում կապիտալ ներդրումների համար:

«Այս տարի տրամադրվող գումարները, իրոք, աննախադեպ են»,-իր ֆեյսբուքյան էջում գրել է նախարար Արայիկ Հարությունյանը:

Գիտության կոմիտեին կհատկացվի ավելի քան 400 մլն դրամ. գիտական սարքավորումներ ձեռք բերելու համար. նվում է, որ նման ծավալի գումար նախորդ տարիներին չի հատկացվել:

Նախատեսվում է ձեռքբերել`
ֆիզիկա`    XRF սպեկտրոմետր,
մոլեկուլային ֆիզիկա`     դիֆերենցիալ սկանավորող միկրոկալորիմետր,
գիտություններ կյանքի մասին`    ատոմական ուժային մանրադիտակ, որը կարող է աշխատել բազմապրոֆիլ և’ կենսաբանական, և’ ֆիզիկական, և’ քիմիական, և’ նյութաբանական ոլորտում, ինչպես նաև կիրառվել դեղորայքի սքրինինգի ժամանակ,
քիմիա`    մասս-սպեկտրոմետրի հետ համակցված հեղուկ քրոմատոգրաֆ,
ռադիոէլեկտրոնիկա`    գերբարձր հաճախականության տիրույթի ունիվերսալ շղթաների վեկտորական անալիզատոր,
ռադիոէլեկտրոնիկա` երկակի` գերբարձր հաճախականության տիրույթում ճառագայթիչ և գրանցիչ,
հայագիտություն` լայնաֆորմատ սքանավորման բարձր տեխնոլոգիական համակարգ: